شوية اشيا عن جامعة التعليب

فيني قلكم شويّة اشيا،،،

 بس ما فيني قلكم كل الاشيا،،،

فيني قلكم أوّل يوم قضيّتو بالجامعة اللبنانية،،،

بس ما فيني قلكم الصدمة يلي انصدمتها،،،

فيني قلكم لما الرفقاتي قالولي:" هيدي كانت مركز لبغال الجيش الفرنسي"،،،

بس ما فيني قلكم ازا بعدن هون، أوازا تطوّروا وصاروا شي غير،،،

فيني قلكم لما فتت عالصف وشفت قاعة الــ200 فيها 700 تلميذ،،،

بس ما فيني قلكم ليش هالعدد كلو كان موجود، اكيد ما كلن جدد،،،

فيني قلكم لما الدكتور قلنا:" انتو بدكن تصيروا متلي" ،،،

بس ما فيني قلكم كام قتيل كنا قاتليلو حتى يحقد علينا هالقد،،،

فيني قلكم لما قدمنا مادة المنطق كنا بالميات، تلاميذ تانية وتلاميذ تالتة كلنا عدناها،،،

بس ما فيني قلكم شوفة الحال بالعلامة، كنت واحد من الـ 215 تلميذ يلي جابوا 1/100،،،

فيني قلكم ع دكتورة لما انقهرت من زميلا يلي سقط عندو أكتر منها،،،

بس ما فيني قلكم شو صار فينا بالدورة يلي بعدا، بتصوّر فيكن تتخيلوا ليش بس 4 قطعوا بالمادة،،،

فيني قلكم لما علقت بمادة وحدة عالتخرّج،،،

بس ما فيني قلكم كيف صارت 6 مواد وراحت سنة هيك،،،

فيني قلكم انو كتير من التلاميذ بيهربوا وبيتركوا التعليم،،،

بس ما فيني قلكم قديش منن بيعلقوا ع مادة وبيروّحوا سنين،،،

فيني قلكم انو في دكاترا هسترونا وجابولنا الضغط وع شوي السكري،،،

بس ما فيني قلكم احنا شو عملنالن حتى هيك علموا فينا،،،

 

فيني قول لدكاترة لولاكن ما بعرف شو كان صار فيني،،،

بس ما فيني قلكم شو بدعي ع غير دكاترا،،،

فيني قلكم انو الجامعة اللبنانية، جامعة تعليب،،،

بس ما فيني قلكم قديش تعذبّت وأهنت فيّا،،،

فيني قلكم انو كتير من يلي لح يقرأ هالشي بدو يسب عليّ،،،

بس ما فيني قلكم انو انا اكيد انن يا دكاترة يا مسّيحة جوخ عند الدكاترا،،،

فيني قلكم انو يلي بدو يضيّع سنين، يفوت عاللبنانية،،،

بس ما فيني قلكم كام سنة لح تضيعوا، انتو وحظكن، أربعا، خمسة وازا بدكم عشرا،،،

فيني قلكم انا ضجرت من النق منها، وأكيد انتو كمان،،،

بس ما فيني قلكم قديش بدعي انو الله يكون بعون يلي بدو يتسجّل فيها،،،

http://www.youtube.com/watch?v=H9z5bDnqT5Q

Tweet

أما بعد

أما بعد... 

بقلم الكاتب محمد الاقطش

ترددت كثيراً جداً قبل أن أكتب هذه الكلمات ، وكم من مرَّةٍ بدأت في كتابتها ثم تراجعت ، فأنا في كل مرة أجد حاجة ملِّحة لكتابتها وتمنعني في النهاية حاجة ملِّحة في اختزان الأسى أوتجاهله .

   أنا لست شخصاً سيئاً ، أنا متأكد من ذلك . لكن على ما يبدو أن هذا "التأكيد" ليس لدى البعض ممن اعتبرتهم أصدقاءً وسمحت لنفسي بالاقتراب منهم وقربتهم إلى نفسي كذلك . وأزعم أني تعاملت بنبلٍ مع الجميع .

   ومن المؤسف والمؤسي في آنٍ واحدٍ أن يتخذ هذا البعض ما عُرِفَ عن علاقته بي وقربه مني في فترة من الفترات منطلقاً للتدليل على صدق أقاويله والحديث عنِّي بالباطل . ولا ألوم أحداً من الذين يصدقون بل إنني ألتمس لهم العذر . لكنني لا أعذر أبداً من أشاع عني أكاذيب وأباطيل يعلم الله أنني منها بريء . وأقول في نفسي لو أن حادثةً واحدةً صادقةً يحكونها تثبت ما يشيعونه عني ! لكنه كلام مرسل يستنكرون من يسأل بعده عن مصدر مصداقيته ، فهم المصدر وهم بالتأكيد لا تسمح أخلاقهم بالكذب والافتراء عليَّ لا سمح الله .

   ويحزنني أن كثيرين يستمعون إلى ما يقال هنا وهناك . منهم من يستمع ويحتفظ بالأمر لنفسه ، ومنهم من يستمع ويواصل نشر ما استمع إليه على غير علمٍ أو بينة . وفي كل الأحوال فإن واحداً منهم لم يكلف نفسه عناء سؤالي أو الاستفسار مني عمَّا سمعه أو قيل له ، ومنهم – للأسف – أشخاصاً كنت أحسبهم صادقين في تعاملهم معي .

   أقابل هؤلاء وهؤلاء .. أبادلهم التحية وأتجاذب معهم الحوار ما شاءوا ، ولا أصارح أحدأ منهم – أبداً - بما يعتمل في نفسي . أصافحهم فيشدُّون على يدي ويبتسمون في وجهي ، يسألون عني وعن صحتي وأحوال أسرتي ، يُبْدون أسفهم أننا لم نعد نلتقي كما كنَّا من قبل ويسترسلون في حكاياتٍ عن الأصدقاء المشتركين الذين يقابلونهم ويدور الحديث بينهم عني وعن انشغالي الدائم ، ربما يذكرون بالتفصيل ما يدور في هذه الحوارات ، لكنهم يسكتون دائماً عن الذي تبادلوه – غمزاً ولمزاً – في سيرتي وما يخيَّل إليهم أنه الحق والقول الفصل فيما يتعلق بي .

   أحاول كثيراً تغيير طباعي ، أن أغلق عليَّ باب روحي وأكتفي بذاتي ، أن أجعل بيني وبين الناس مسافة كافية لأتحقق فيها من مدى اتساق أقوالهم وأفعالهم . فكم من الذين عرفتهم تقوَّلوا عليَّ بعد حين وأنكروا عليَّ أفعالاً ، قاموا هم بها – وتجاوزوا فيها – فيما بعد . ومنهم من لم يراع خصوصيتي وحرمة حياتي الخاصة وهو ما يدلل على حقارة أخلاقهم .

   أقول إنني أحاول كثيراً تغيير طباعي لكنني لم أنجح بعد . وحتى أتمكن من النجاح في إحداث هذا التغيير سأظل كما أنا : عندما ألتقي بهم سأصافحهم إذا مدُّوا يداً بالسلام ، وسأستمع لحكاياتهم مبتسماً وناظراً إلى أعينهم باحثاً عن ذرةٍ من ضميرٍ كانت قد لاحت لي يوم أن اقتربت منهم واطمأن قلبي إليهم .

   لا أعلم مدى صحة ما قمت به هنا من كتابة ما كتبت ، لكنني أعلم أنني لست ملاكاً وإنما بشر يصيب ويخطيء .أن لي أصدقاء لم يحرمني الله من مؤازرتهم ومودتهم وإخلاصهم .  فمن رآني مخطئاً فلينطق بها في وجهي فهذا أكرم له ولي ، ومن رآني مصيباً فليقل كلمة حق سيسأله الله عنها يوم يقف بين يديه . وفي كل الأحوال فإنني متقبل لذاتي كما خلقها بارئها ومتصالحٌ معها أيما تصالح .. والحمد لله على كل حال.

بقلم الكاتب محمد الاقطش

Tweet

طبخو بلّوشة

طبخو بلّوشة[1]

(يلللا بطاطا... يللا خيار... يللا تعا شلّك شيلة.... لك يا ابو العيلة!!)

ام سيمي: صبوح الخير يا حج؟ كيفاك اليوم؟ كيفا حرمتك الحجة ام حوزم^[2]؟

الخضجري ابو حوزم: لك اهلن اهلن، والله الحجة بالف صحة من الله، شوفي ما احلاها بالنقّ..

ام سيمي: بالنق؟ ايه انتو الرجال!! ينقّي بدنك عن دمّو، هات لنشوف شو في عندك؟ كيف الخضرة اليوم؟

الخضرجي ابو حوزم: والله متل مانك شايفة، بطوطا الـ5 كيلو بألف، وفي مْروكْبِي^[3] بـألف وخمسة، وفي بطيخ الحبة بالفين، بضبّلك بطيختين؟

ام سيمي: شوووووووووووه؟ مْرُوكْبي بالف و خمسمية؟ ايه يركبك نحس ما يفك عنك الهي!! ولا انتا ما فيك دم؟ ما في عندك نسوان تطعميون ؟ ما بدي بنوب،  شأفت غَلْوَجي !!

(صبيع البوبو يا خيار..احمر وعالسكين يا بطييييييييييخ تعا قرّب تعا جرّب)
أم سيمي: شو بدي جرّب يعني شو؟ سيورو^[4]؟ شو باك ابو يسرى عما تنادي عالخصرة كأناك بمعروض سيارات او بكروج^[5] الاحدب؟

الخضرجي ابو يسرى:ايه والله معلمتي بدنا نسترزق، والله الشغل واقف الله وكيلك، وكل يوم لورا!!

ام سيمي:  ايه انت ما خرجك هل مصلحو، بلالك هل كور^[6] كلّو، جيب عرباية و دور بالحوروت بيّع ستْيانات حمر وخضر، هيدا صور مرغوب اكتر من الاكل، يبليك بقتلك شو مْرِتّ!!

الخضرجي ابو يسرى: ستيانات ايه والله فكرة، لك يئبرني الحريم انا و الستيانات الحمر....

ام سيمي: الله لا يوفقك ولا!! يا جوز التنْتَين بعدا نفسك خضرو؟ روح فرقْني شو كلب!!!

(الكيلو ونص بألف... والمستعجل يوقف بالدور)

ام سيمي:هادا انت احمد ابن نواعم ؟ يا اللهههه رجعت عالسوق؟ يا اهلن يا اهلن!! بتزكر لمّن كنت اشتري منك كلّ شا؟ لك ايه والله المتل ما كزّب...

الخضرجي احمد ابن نواعم: يييييييييييييي خولتي ام سيمي، لك نوّر المحل، تفضلي تفضلي عايزك بموضوع مهم...

ام سيمي: خولتي ؟؟؟؟ يخلّها عضامك الاهي، لعما بقلبك يلي بشوفني ما بحطلي التعشرين، موضوع شو؟ خير ان شاء الله؟

الخضرجي احمد ابن نواعم: الله يرضى عليكي يا ام سيمي، بتعرفي انا كل شبابي محبوس هيديك الناح، وصراحة بدي بنت حلال عكيفك الله يرضى عليكي..

ام سيمي: ممم حكّي روسك يا ام سيمي... فكري يا ام سيمي.... بدك توصفلي ياها لكْ خولتي هيك ما بيصر، يعني بدي اعرف شو مطلوبك كرمال صيبا!! لَكَنْ!!

الخضرجي احمد ابن نواعم: يا ام سيمي بدي بنت حلال، تفهمني وافهمها، و تكون تنقايتك الله يرضى عليكي، بعرف انتي شو، كرمال هيك قلتلك.

ام سيمي: ايه هممممممممممممممم، ليك لأيتلك عروس، جمال وعلم واخلاء، رفع البنت،  24 ايراط، بتدرس بالمارينار^[7]، الله يرضى عليها دواما ليلي بتروح ساعة ستة المسا، بترجع الساعة سبعة الصبح، الله يكون بعونا شو بتدرس..

الخضرجي احمد ابن نواعم: ايه الله يعطيها العوفية شكلا بتتعب كتير، ولا "عزق"[8] انقبر ضبلا لخولتك ام سيمي سحارة كوسا وكام كيلو بتنجان

ام سيمي: لك روح الله يوفقك ويرزقك، وتلموس التروب يئلب دهب الاهي، يللا بخوطرك

الخضرجي احمد ابن نواعم: ام سيمي، ازا بتظبط معنا الجازة الك عندي حلوان اخو اختو من علماوية^[9]...

ام سيمي: علماوية يا نوري شو اشبو الحلاب!! يللو خليلي عزقتك يوصلي الغروض عالبيت دغري، محرّك عليّ الديسك(آخ يا ضهري آخ...)

(اطيب بقلة للفتوش بندورة عمانية و بصل عكاررررررررررري، صحارة البصل ب4 و كيس الجزر ب 4الاففففففف 4 الاففففففف )

ام سيمي: سلان اب صطفى^[10]، كيفكن كلكن قشّة لفّة؟ كيف الحُورة الفوقونية؟ كيف الخضرة عندك؟ ايييييييييييه الله يرحما امك، توحّمت على دواليب روزرايز^[11]، كلو عندك بأربعا خيخيخيخيخخيخ

الخضرجي اب صطفى: مين؟  ام سيمي؟، لك يا الله شو هالخفة الدم، لك تسلملي الارض يلي بتمشي عليا، لك يا اهلن ويا سهلن، نوّرت الحارة، اختك ام صطفي، عم تدعيلك ليل نهار عهالدوا، الحكي بسّرك شكلا حومل^[12] واخيرا بدو يجيني مصطفى، وبدي قلّع عيون الحورة كلها... ولا "شبر"[13]  يللا ضبلي كام كيلو بندورة وكام باقة بئلة وصحارة بصل لخولتك ام سيمي!!!

ام سيمي: يه يه يه دغري هيك طيب ليك حطلي معون كيس جزر الله يرضى عليك و لحقت عمّا تتكارم حطّلي فليفلة حمرو حرّو بدي فلفل لهل مضروبة جورتنا ام غزوان يبليها بقتلا عم ترسم تقشّطني ابو سيمي الهي يقشّطا من عضاما، يللو بخوطرك لأن بدي إلحء الغدا.....

وهيك خولتكم ام سيمي من بعد ما تفتّلت بالسوق وما عجبتا اسعور الخضرو، طلّعت الطبخو ببلاش...وكل لي دافعتن كم حبّة زرقا لاقتن بجزدان ابنا سيمي وعروس فلتانة عالبلاجات بدا تبلصا للصبي الخضرجي..... وتوتة توتة خلصت الحتوتة، يللو يقصف عمرك منك الو الا، روحو اندفسوا ناموا حوجتكم بقو اليوم!

*إنّ الشّخصيات الواردة في هذا النّص هي من محض الخيال المطلق ابتكرها الكاتب صهيب أيّوب، وتناوب على كتابة الحوار توماس سليم بشخصية "أم سيمي"، وطه بابا بالشخصيات الاخرى، الرسم من تصوّر الرسّامة سامية داغر.

-----------------------------------------------------------------------------

[1]بلوشة: بلاش يا خولتي بلاش، ليش الحكونة خلت ليرو بجيبتنا

[2]ام حوزم: ام حازم، هيك منقلّو عنا ما متل بيروت بيشدقو بنيعن شدَق

[3]مروكبي: الليمون الحومض تبع عصر التبولة ويلي بتفرك فا ام غزوان اسوارتا كرمال تلّمع وتقول انا دهب وهيي نحوس فالصو

[4]سيورو: يعني اوتمبيل لي بيركبو ليروحو عبيروت ، انا راكبة منو كتير والله اكتر ما تتصورو

[5]كروج: كاراجن هيدي كمان متل” حوزم” يا خولتي نحنا هان بالبلد منشد على بعضنا شد حتى بالحكي، ايه لِكِنْ!!

[6]الكور: الكار، او المصلحة يعني الصنعة لي بيتسبب منها و بيطعمي عرّ ولادو

^[7]المارينار: المارينار يا خولتي هيدا تخمين شي جامعو ليلية لأنو بشوف البنت رويحا عشية و راجعة الصبح و لمن بسألها وين بتدرسي

[8]عزق: اسم الصبي لي عندو، لك عزق ابن ام مروان السودة !! ما عرفتوه؟

[9]علماوية: محال حلوايات شعبي بس شو بدنا بالحكي اطيب حلاوة جبنة عندو وبكل طروبلس

^[10]سلان اب صطفى : سلام ابو مصطفى، بس عنا هون بالحوروت ما منحب اللعي و اللت ابدا فمنختصر اختصور شديد، وعلى قولة الشيخ، خير الكلام ما ألّ ودلّ

^[11]روزرايز” سيارة الرولز رايس

^[12]حومل: يعني حبلة عقبال عندك و عندا، هيههييهي اصدي مرتوك ومرتا، يه يه يه بس مرتوك أنو هيي كيف بدا تجيب ولد ازا اخدت مرو؟ فيها انّ القصة

^[13]شبر: هيك قدّو الصبي لي عند الخضرجي قد الشبر والله باعتينو اهلو يشتغل بالصوق، يا ربي ما ني عم اتجبّر، بس انو هيك اسمو الدلع

Tweet

عند الدولة ما بتضيع ولا ليرتين

عند الدولة ما بتضيع ولا ليرتين

ما بحب صف سيارتي بالمطار والسبب الـ25ل.ل.، ايه ايه الـ25ل.ل.، ما حدا يستغرب، بتاخود الوصل عالباب 3,775ل.ل. بالنهاية بتدفع 4,000ل.ل. يعني قلت ايه أو قلت لأ، بدك تدفع للصندوق 25ل.ل. لأن الصندوق ما في معو يردّلك فراطة، يعني شو كان صار لو عملو التسعيرة 3,750ل.ل. ؟؟ ضروري هالـ25ل.ل.؟ أو بس هيك كرمال يئنصوا السوّاح والكل، يعني سياسة "المطار أولى بئنص السائح من  الغير" هالسياسة أيمتا بدها تتغير ما بعرف..

هلق الحبل عالجرار، فواتير الدولة كلها هيك كانت الميّ، التلفون، الكهرباء، البلدية... عطول في عندك هامش بخلّيك تضّطر تدفع اكتر بشوي، انو كام ليرة معليش... قديما كانت هالفراطة تطلع للجابي أو أمين الصندوق، يعني يوميّة بيطلعلو شي 4000ل.ل. برّانية، وكلها من فراطات تحديدا، لكن بفضل حرص الدولة عكل ليرة، وشي طبيعي أنو المستشارين يبرّموا على طريقة حتى الدولة تستفيد من الفراطات، حسبها مظبوط ازا عندك 3000 جابي وامين صندوق بس، وكل واحد يومي 4000ل.ل.، شوف قديش بيطلع للدولة من الفراطات، بيطلعوا كتار! "لذلك و من منطلق الحرص على خزينة معاشات الوزراء"، وحتى الدولة تقدر تجمع الأموال لدعم خزينة معاشات الوزراء، طلعت الوزارة بفكرة "الكسر"...

الكسر: مصطلح مش كتير جديد، بتستعملو الدولة عن جديد، لربّما الجابي ما في معو فراطة، يعني الفواتير القديمة كانت تجي مثلا 85840ل.ل. بس هلقّ صارت 85840+160=89000ل.ل. هالـ"160" ليرة هيّ الكسر.. التلاميذ بيعرفوا اسما approximation. فكرة كتير زكيّة، هيك الدولة بتقدر تجمع الاموال كلها، يعني عنجد زكي هالمستشار يلي طلّع الفكرة، بس متل العادة، في شي لفتلي نظري، شوفوا وصل الكهربا هيدا.

ما في شي غريب ابدا، الا انو الكسر طلع معون 998ل.ل. ما صدّق يلي شفتو بالاول، بعدين جمعت الفاتورة وتأكدت!

حتى تعرف قديش قيمة الفاتورة لازم تجمع ثمن الطاقة (11565ل.ل.)+ايجار عداد(4800ل.ل.)+بدل تأهيل(10000ل.ل.)+ضريبة على القيمة المضافة(2637ل.ل.)+طابع(1000ل.ل.)= كل هول بيطلعوا بس 30,002ل.ل. يعني بنزيد 998ل.ل. حتى يصير الكسر ظابط...

شباب لبنان العظيم، انا بهنيكم، صحيح انو صاحب الفاتورة دافع أقلّ من 35%من الفاتورة بدل للكهربا والباقي كلو عبارة عن ضرائب، من قلبي بهنّيكم الدولة حافظت على أموال الشعب وخصوصي الـليرتين، ما بتعرفوا شو بصير ازا راحوا هالـليرتين... ايه بقول المتل:"جحي أولى بلحم تورو"...  

Tweet