ارفع راسك

إرفع راسك أنت عربي، 
إرفع راسك أنت لبناني، 
إرفع راسك أنت سوري، 
إرفع راسك أنت أردني، 
إرفع راسك أنت مصري، 
إرفع راسك أنت جنوب سوداني، 
إرفع راسك أنت شمال سوداني...

ربيع عربي...
ربيع مصري...
ربيع سوري...
ربيع يمني...
ربيع عراقي...
ربيع طرابلسي... 
ربيع عكاري...

مش متشائم أنا أبدا...
 ولا متفائل طبعا..
"١٣٤ قتيل حصيلة الإشكالات في منطقة كذا و كذا"
"٤٥٦ قتيل في مجزرة في منطقة كذا"
"إكتشاف ٩٨٧ جثة في مقبرة جماعية في منطقة كذا"
وغير وغير وغير، 

تعودنا على الأرقام،
يعني إذا شي يوم ما مات حدا بنستغرب، "شو مافي أكشن اليوم؟"
يا جماعة هالموتى كلهن عالم،
 كلهن ناس، 
كلهن بشر،
لحم و دم...

إرفع راسك أنت يلي عما تتعود... 
إرفع راسك أنت اللعبه...
إرفع راسك الكل عما يتحكم فيك...
إرفع راسك تعودنا عالذل وعالمهانه...

 بيجمعنا وطن واحد...
بس الكل حاطت عينو عليه...
يجمعنا هدف واحد...
بس مختلف من شخص لشخص... 
بيجمعنا مصير واحد...
بس مجهول إذا كنت زعيم أو تابع...

إرفع راسك أنت صحيح عربي، بس أنت مش أهبل... 
إذا قلبك ضعيف لا تشوف شو عم يصير...