Pages

Sunday, April 17, 2011

اولويز الترا..لكل افراد العائلة

أولويز للكبار والصغار، للقاطعين العمر وللي اسا ما بلشوا، أولويز ما بتفرق بين الطوايف ولا بين المدارس.

ما بعرف مين حضر الدعاية الجديدة للـ"فوط الصحية" يلي جايبين فيها بنات صغار، بنات مدرسة حتى تغني لـ"أولويز" ويطيروا البالونات الزرقاء...

ما بعرف افكار مين هيدي يلي عم تتصوّر أو مين عم يقبل تنعرض وقديش دافعين عليها...

ما بعرف كيف عم تنعرض بوقت مسلسلات الـ"ضاربة" بالبلد يعني لما كل العيلة بتكون موجودة صغار وكبار، بنات وشباب...

ما بعرف لوين بدنا نوصل بعد شوي، اصغر من هيك ما بيقدروا يعملوا دعاية للـ"أولويز" او انو بعملوا فوط تجريبية ؟ "أولويز ألترا جنيور حضري بناتك لبكرا"

ما بعرف ازا بيعملوا فوط للشباب كمان، ضمن السعي للكسب الاسرع... عفوا قصدي المساواة...

ما بعرف ازا الانفتاح يعني السكوت عن هيك دعايات هابطة بعد الفنانات الهابطة تحت اسم الدعاية أو الفن، هلق 
ما بتفرق لان الكل هابط وبعدين "ولوووو ما بتحترم حرية الرأي؟"...

ما بعرف صراحة ازا كان احترام حرية الرأي بتعطي الصلاحية لافساد المجتمع، وللتعدي على عيلتي وعيلتك، اليوم بالفوط والصغار، بكرا الحبة الزرقاء...

ما بعرف ازا بيعنيلك هالموضوع، بس لما أخوك الصغير أو اختك الصغيرة بيسأل "لشو هيدي الـ"أولويز" هيدي لعبة يعنى؟"

ما بعرف شو بدو يكون جوابك بهالحال؟ بتشرح كل العملية  وبتنهي القصة بـ"هيدي سنة الحياة لأن النسوان هيك كل شهر بدا من هالشي"

ما بعرف ازا بعد في شي اسمه رقابة بالبلد على الامور يلي بتنعرض عالـ"TV"، أو ازا حدا اشتراها متل كل شي بالبلد...

ما بعرف لما تخلص قراءة شو بدو يصير رأيك فيني...

بس يلي اكيد انا منو،ازا بتحضر الدعاية مش بس انا بكون صدمتك...

4 comments:

  1. معك حق يا طه.. صار التلفزيون ما بينحضر

    فادي (ألمانيا ) مش فادي لبنان :)

    ReplyDelete
  2. haha fadi almanya msh fadi lebnen, yali byetla3 mn aslo bikon ? ..

    ReplyDelete
  3. b7ess eza fi 7ada lezim ynt2id heik da3ayt ma men 7a2 al shabeb!!right?!

    ReplyDelete
  4. انا بشوف انو من صلاحيات انتقد كل شي بدي اتقدو بغض النظر عن الموضوع ازا كان للصبايا أو الشباب

    بعدين عفوا اسمك مش كاتبتيه لحتى تنتقدي النقد فما بظن الك عين تقولي عن الشي يلي طرحتو

    والمشكلة انو هالدعايات عم توصل لكل شرائح المجتمع شباب وبنات، صغار وكبار وهيدي الفكرة يلي حبيت اوصلها

    ReplyDelete